 |
អង្គរជាថ្នាលវប្បធម៌ស្កឹមស្កៃ
បុរេប្រវត្តិខ្មែរខ្ពស់ស្បើមក្រៃ
រហូតសព្វថ្ងៃអង្គរស្តែងប្រាប់។
ស្រះស្រង់ថ្លាយង់ឆ្លុះភាពបវរ
ជាតិខ្មែរធ្លាប់ឈរស្រាក់ដៃស្វាហាប់
កសាងប្រទេសល្បីល្បាញចំណាប់
ពេលនេះសល់ស្រាប់ភស្តុតាងវិចិត្រ។
ចុងត្នោតប្រឹងអើតជំទើតកាយា
ប្រជែងចេស្តាអង្គរប្រណីត
អាកាសស្រស់ថ្លាមេឃខៀវល្អពិត
ហាក់ពរអម្រិតជូនខ្មែរទាំងឡាយ។
វាលស្មៅបំព្រងយោងសោភ័ណផ្កា
គន់ជាប់ចិន្តាទុក្ខារសាយ
បានយល់អង្គរបុរីឆើតឆាយ
ចិត្តរែងសប្បាយហាក់ឃើញត្រៃត្រឹង្ស។
thomada.net
No comments:
Post a Comment